المساعد الشخصي الرقمي

مشاهدة النسخة كاملة : سؤال لأهل الخبره الرجاء الاجابة



darwiesh
07-18-2019, 12:14 PM
السلام عليكم ورحمة الله وبركاته
في البداية حابب اشكر الجميع على المعلومات و الخدمات اللى بتقدموها هنا ف الموقع
وجعله الله في ميزان حسناتكم جميعا .


دلوقتى انا اشتغلت جديد كامحاسب في شركة في السعودية بتشتغل في مجال تأجير السيارات والباصات ..
بكل اسف جيت هنا لقيت انهم شغالين على اكسل ومحاسبيا لا يفقهوا شئ وكانوا لسه جايبين برنامج جديد عشان يشتغلوا عليه فا مدخلين كل البيانات او اغلبها بشكل خاطئ محاسبيا على البرنامج
وانا كاخريج لسه جديد خبرتى متسمحليش انى اصلح الدنيا دى بسهولة


عندى كذا مشكلة مش عارفلها حل ,,
اولا احنا شركة اغلب السيارات والباصات اللى عندنا شارينها قسط وبنسدد اقساط كل شهر
متعاقدين مع كريم واوبر فا عندنا سواقين كتير منهم اللى بيجي بسيارته وبينقل كفاله علينا عشان الرخصة
ومنهم السواقين الخاصيين بتوع الشركة
المهم ان كل شهر كل سواق من دول بيدفعلنا مبلغ وليكن 4000 ريال .. المبلغ ده تقسيمته هنا كالاتى ( 2000 بندفعهم قسط للسيارة بتاعتنا & 1000 ربح صافى لينا & 1000 بندفعه راتب للسواق )
ده على سبيل المثال ..


عندنا شركات متعاقدين معاهم بنوردلهم باصات و مدارس وهكذا .. برضه بيدفعولنا مقابل لده


تانى شئ عندنا ايرادات بتدخلنا مقابل حاجات كتير زى مثلا لو سواق عاوز يجدد رخصة او يجدد اقامه
بناخد منه تمن التجديد وليكن 1000 ريال و بنزود عليهم 200 ريال مثلا فايدة للشركة


ثالث شئ معانا رخصة في التموينات يعنى فيه لينا فرعين بقالات( فيه فردين مأجرينهم مننا واخدين اسمنا فقط وبيدفعولنا مقابل كل شهر برضه تمن الرخصة بتاعتنا + بيدفعولنا تجديد اقامات الموظفين اللى عندهم ( مع العلم ان البقالات دى احنا مأجرينها و هما شغالين فيها وبياخدوا اربحها كامله بيدفعولنا بس زى ما قولتلكم مبلغ شهرى و اى مصروفات تخص العاملين عندهم لانهم امام الحكومة مسؤولين من شركتنا )


رابع شئ هما هنا مركبين شجرة حسابات غريبة الشكل مش متظبطة محاسبيا
فا انا محتاج اعمل شجرة حسابات جديدة
وعاوز اعرف من اهل الخبرة
من خلال الكلام اللى كتبته ده اعمل شجرة حسابات ازاى
وهل ايراد السواقين ده يدخل تحت بند العملاء ولا يدخل فين
انا المشكلة اللى موجهانى هى حساب العملاء والايرادات بشكل عام
افيدونى ربنا يكرمكم