المساعد الشخصي الرقمي

مشاهدة النسخة كاملة : المعالجه المحاسبيه لعملية المبيعات بالتقسيط طريقة مجمل الربح مبدئيا



ERP AccFlex
12-17-2018, 04:20 PM
المعالجه المحاسبيه لعملية المبيعات بالتقسيط طريقة مجمل الربح مبدئيا
لازم نعرف ان الايراد revenue هو عنصر مهم جدا من عناصر قائمه الدخل income statement واللى على اساسه بيتم اتخاذ قرارات حاسمه من الاطراف المعنيه بالشركه .
.لان رقم الايراد اللى بيظهر فى قايمه الدخل وبالاخص الايراد الناتج عن النشاط الرئيسى للشركه بيوضح أد ايه الاداره كانت كفأ فى استغلال الموارد والامكانيات المتاحه افضل استخدام..
وكمان بيقيس مدى قدره الشركه على سداد التزاماتها فى الاجل الطويل وعشان المشاكل المحاسبيه الناتجه عن الاعتراف بايراد المبيعات بالتقسيط حبينا نخصص لها مقال مستقل بوضح طرق معالجتها وتطبيقها فى
برنامج ادارة المخازن (https://accflex.com/%D8%A8%D8%B1%D8%A7%D9%85%D8%AC-%D8%AD%D8%B3%D8%A7%D8%A8%D8%A7%D8%AA/%D8%A8%D8%B1%D9%86%D8%A7%D9%85%D8%AC-%D9%85%D8%AD%D8%A7%D8%B3%D8%A8%D8%A9-%D8%A5%D8%AF%D8%A7%D8%B1%D8%A9-%D8%A7%D9%84%D9%85%D8%AE%D8%A7%D8%B2%D9%86#undefin ed)
المحاسب الشاطر لازم يعرف اننا بنعترف بالايراد على اساس الاستحقاق المحاسبى ,
بمعنى ان العبره مش بالتحصيل النقدى لقيمه الايراد ولكن العبره بان الايراد بيكون بيخص السنه ولا لا؟! وعشان كدا لما بنبيع بضاعه بالاجل بنسجل العمليه بالقيد ده :
من ح/العملاء الى ح/المبيعات.
ودا معناه انى اعترفت فعلا بايرادات مبيعات رغم انى ماحصلتش..ولكن السنادى هى اللى تستحق الايراد لانى بعت فيها .وبكدا نكون طبقنا اساس الاستحقاق فعليا.
برنامج ادارة المخازن (https://accflex.com/%D8%A8%D8%B1%D8%A7%D9%85%D8%AC-%D8%AD%D8%B3%D8%A7%D8%A8%D8%A7%D8%AA/%D8%A8%D8%B1%D9%86%D8%A7%D9%85%D8%AC-%D9%85%D8%AD%D8%A7%D8%B3%D8%A8%D8%A9-%D8%A5%D8%AF%D8%A7%D8%B1%D8%A9-%D8%A7%D9%84%D9%85%D8%AE%D8%A7%D8%B2%D9%86#undefin ed)
نرجع لموضوعنا الاساسى النهارده وهو المبيعات بالتقسيط نلاقى ان الشركات بتلجأ ل المبيعات بالتقسيط عشان تنشط من عمليه البيع اكتر ,وبنلاقى ان النظام ده بيكون منتشر اكتر فى الشركات اللى بتتاجر فى الادوات المنزليه والكهربائيه ومعارض السيارات..لان قيمه النتج بتاعها بتكون كبيره نسبيا. وبنلاقى ان فى طريقتين معايير المحاسبه الدوليه ذكرتهم عشان نستخدمهم فى معالجه عمليه البيع بالتقسيط محاسبيا..ذى ماهنشوف كدا: #الطريقه_الاولى: اسمها طريقه المبيعات بالتقسيط Installment Sales Method .
وبنسميها (طريقه مجمل الربح). ومن خلال الطريقه دى بعترف #بالدخل الناتج عن عمليه البيع فى كل فتره بحصل فيها الكاش فعليا مش بمجرد البيع .بحيث انى اعترف بمجمل ربح كل قسط بحصله من الاقساط المستحقه وطبعا دا كلام مكلكع بس هانفهمه من خلال التطبيق العملى ده: نفترض ان شركه الامل بتتبع نظام الجرد المستمر و بتبيع اجهزه كهربائيه بالتقسيط وفى بدايه السنه باعت للعملاء اجهزه مبلغ 90000ج (وتكلفه الاجهزه دى كانت 54000ج وفقا لسياسة التكلفه المطبقه) وشروط البيع كانت قايمه على ان العميل يدفع يسدد دفعه مقدمه مبلغ 20000 والباقى بيسدده على 3 اقساط وعلى مدار3سنوات: 15000القسط الاول,25000ج القسط التانى,30000ج القسط التالت. عايزين نعرف المعالجه المحاسبيه لعمليه المبيعات بالتقسيط اللى تمت دى اذا كانت الشركه بتتبع طريقه مجمل الربح: #اولا : بنحدد نسبه مجمل الربح بتاعى من خلال الحسبه البسيطه دى :(90000-54000)/90000=40% ومع كل قسط بحصله بثبت مجمل الربح بتاعى ..من خلال القيود اللى هانشوفها دى: #لما_احصل الدفعه المقدمه: من مذكورين 20000الكاش 70000عملاء المبيعات بالتقسيط 90000الى ح/المبيعات والقيد ده معناه انى حصلت من العميل بتاعى مبلغ 20000ج ومستحق عليه 70000ج وطبعا بثبت تكلفه البضاعه اللى اتباعت دى من خلال القيد ده 54000 من/تكلفه البضاعه المباعه . 54000الى ح/ المخزون.
لان ذى مااتفقنا احنا هنا بنتبع نظام الجرد المستمر فلازم اعمل حساب للمخزون وحسابت لتكلفه البضاعه المباعه. الخطوه التانيه ودى بعملها فى اخر السنه لما اجى اعمل قيود الاقفال بتاعتى 90000من ح/ المبيعات التقسيط الى مذكورين 54000ح/تكلفه البضاعه المباعه 36000ح/مجمل ربح مؤجل وهنا قفلت حساب المبيعات بالتقسيط (خليته مدين) عشان رصيده يظهر بصفر لانى ماينعش هنا اعترف بايراد مبيعات 90000ج وبتبع طريقه المبيعات التقسيط اللى بتلزمنى انى اعترف بربح المبلغ المحصل فقط.ومجمل الربح المؤجل ده واللى بيمثل 40% من المبيعات كربح بعترف بيه فى الميزانيه وكل سنه بخفض من جزأ بمقدار ربح القسط المحصل. الخطوه التالته بنحسب مجمل ربح الدفعه المقدمه اللى حصلتها وبثبته بالقيد ده 8000من ح/مجمل الربح المؤجل(20000*40%) 8000الى ح/مجل الربح المحقق . وبكدا مبلغ مجمل الربح المحقق هو اللى بعترف بيه فى قايمه الدخل كبند مستقل بنسميه مجمل ربح محقق من مبيعات التقسيط بمبلغ 8000ج وحساب مجمل الربح المؤجل بيظهر عندى فى الميزانيه. #وفى_السنه_التانيه أو لما بحصل القسط الاول بنكرر نفس القيدين الاخيرين مع اختلاف الارقام. اولا 15000من ح/ الكاش 15000الى ح/عملاء المبيعات بالتقسيط وبعترف بمجمل ربح القسط اللى حصلته من خلال القيد ده من ح/مجمل الربح المؤجل الى /مجمل الربح المحقق وذى مااتفقنا مجمل الربح المحقق بيروج فين؟ بيظهر فى قايمه الدخل كبند مستقل شااطر طيب مجمل الربح المؤجل بيروح فين بيظهر فى الميزانيه كالتزام ممتاز وبنكرر نفس القيدين مع القسط الثانى والثالث وفى المقال الجاى هانناقش عمليه المبيعات بالتقسيط باستخدام الطريقه الثانيه
برامج اكفلكس افضل برنامج حسابات (https://accflex.com/%D8%A8%D8%B1%D8%A7%D9%85%D8%AC-%D8%AD%D8%B3%D8%A7%D8%A8%D8%A7%D8%AA#undefined) في مصر والشرق الاوسط
لمعرفة المزيد من البرامج التى تقدمهاأكفليكس ممكن زيارة الموقع :
https://accflex.com/
https://www.facebook.com/AccflexERP/