الاجابة:
مثلا هقفل حساب المسحوبات مع حساب رأس المال.
راس المال طبيعته دائن يبقى اقفله مدين
المسحوبات طبيعتها مدين اقفلها دائن
×× من ح راس المال
×× الى ح المسحوبات
وطبعا باقفالك ده انت كده بتلغي الحساب، يعني مثلا المسحوبات جت ب10ج مدين مره، يبقى كده رصيد المسحوبات 10ج لما تجبها بقى دائن ب10ج برده، يعني كده رصييد المسحوبات 10ج مدين – 10ج دائن يبقى صفر


اقفال رصيد المخصص في حساب الاصل الثابت:
عند بيع الاصول الثابتة لاي سبب من الاسباب للتطوير او التحديث مثلا نتيجة التقادم وظهور اصول اكثر تكنولوجيا من القديمة.
يكون عندي مخصص لاهلاكه يعني مجمع الاهلاك في كل السنوات السابقة، يعني الجزء والمبالغ اللي استفدت منها من الاصل ع مدار السنوات اللي استخدمت فيها الاصل. والمخصص يعتبر التزام عليا بالنسبة للاصل الثابت.
ف انا وانا ببيع الاصل لازم اقفل المخصص في الاصل لان الاصل بيبقى بتكلفته التاريخية اللي اشتريته بيها ، والمخصص هو مجمع الاهلاك يعني لو قفلت الاتنين من بعض يعني طرحت الاتنين من بعض جبت تكلفة الاصل الدفترية يعني سعره دلوقتي عندي بعد طرح المخصص من قيمته التاريخية.


مثال:
التكلفة التاريخية للسيارة 100000ج – مجمع الاهلاك للسيارة 20000ج – وتم بيع السيارة بمبلغ 70000ج
المطلوب قيود اليومية.
الحل:
20000 من حـ/ مخصص اهلاك اصول ثابتة (قيمة مجمع الاهلاك)
70000 من حـ/ الخزينة (ثمن بيع الاصل)
10000 من حـ/ خسائر راسمالية (الفرق بين ثمن البيع وبين ثمن السيارة التاريخي 100000 مطروح منه المخصص 20000- يعني ببساطه كده الفرق بين ثمن البيع والقيمة الدفترية الحالية للاصل)
100000 الى حـ/ السيارة (القيمة التاريخية)


لاحظ وانا بقفل المخصص جبته عكس طبيعته مدين لان اصله دائن – وجبت السيارة بقيمتها التاريخية دائن لان طبيعتها مدين.



منقول للإفادة