النتائج 1 إلى 1 من 1

الموضوع: كيف تتم التسويات الجردية

  1. #1
    الصورة الرمزية يوسف كمال
    يوسف كمال غير متواجد حالياً Administrator
    المشاركات
    3,628
    شكراً
    0
    تم شكره 41 مرة في 33 مشاركة

    كيف تتم التسويات الجردية

    فى اخر السنه الماليه 31/12/2008 م بنعمل تقفيل السنه الماليه وبنبداء بميزان المراجعه اللى بناخد ارصدته من حسابات الاستاذ العام مثلا مجموع العملاء اوالموريدن فى دفتر العملاء والموردين ولا يشغل بالنا كل مورد او عميل على حده بل مجاميع يعنى كل العملاء رصيدهم كام ؟؟؟ وده اللى هنحطه فى ميزان المراجعه وكذلك الحال بالنسبه لباقى الحسابات فى المؤسسه ككل ( ايرادات ومصروفات واصول ,,,, )


    بعد ميزان المراجعه ده بنلاقى حاجات لازم تتعدل مثلا دفعنا ايجار 3 سنين مقدم يبقى لازم نرجع سنتين ونفتح ليهم حساب لوحدهم اسمه مصروف مقدم والباقى ( سنه ) تحمل مصروف على الوحده فى العام الحالى وتعالى نشوف بقا معظم الحاجات المهمه اوى فى التسويات دى؛


    اولا – المصروف المدفوع مقدما ؛


    المصروف المقدم هو مصروف دفع فى هذا العام وحمل بكامل قيمته على السنه الماليه الحاليه ولكنه فى الاصل يخص عده سنوات ماليه ( فترات ) وبنا على مبدئ الاستحقاق ( تحميل السنه بما يخصها من المصروفات فقط ) فاننا نقسم المصروف على حسب فتراته ويظهر لينا ح جديد اسمه المصروف المقدم .


    مثال: وجد اثناء عمل الميزان والتسويات ان المنشاه دفعت ايجار قيمته 15000 ج يخص الفتره من 1/6/2008 م الى 1/6/2011 م وحمل بكامل قيمته على مصروف الفتره الحاله نعمل ايه بقا ؟؟!!؟


    اولا العمل عمل ربنا اما الحل فمن عند الله اما التسويه فكل شئ ربنا اللى بيسويه ,,,


    المعالجه بقا بتاع الحاله دى نقسم المصروف 15000 الى 3 سنين ونحمل السنادى من 1/6 وحتى 31/12 بما يخصها من المصروف فقط والباقى نحطه فى حساب المصروف المقدم هكذا ....


    قيمه ما تتحمله الفتره الحاليه = 15000 ÷ 3 سنوات = 5000 لكل سنه .


    واحنا يخصنا منها من 1/6 وحتى 31/12 يبقى نص سنه = 2500 جنيه فقط ...


    كان القيد الاول لما اثبتناه عامل كده


    15000 من ح/ م عموميه – ايجار عقارات >>> ( قائمه الدخل )


    15000 الى ح / البنك>>> ( ميزانيه )


    اما الان هنعمل التسويه ونحمل المصروف المقدم بالفرق = 15000 – 2500 = 12500 ج


    12500 من ح/ مصروف مقدم – ايجار >>> ( ميزانيه )


    12500 الى ح / م عموميه – ايجار عقارات ,,,,,>>> ( تخفيض المصروف)


    وبكده يبقى احنا قللنا م. عموميه السنادى ب 12500 ودول لا يخصوها اصلا( القائمه ) وفى نفس الوقت حملنا المصروف المقدم ب 12500 اللى بيخصوها ( الميزانيه ) ,,,


    اما السنه الجايه وعليك خير هنعمل القيد ده وده للمعلوميه بس ولا يعمل السنادى بس انا بعرفك وافهمك ؛


    5000 من ح / م عموميه – ايجار عقارات >>> ( قائمه الدخل )


    5000 الى ح / مصروف مقدم >>> ( ميزانيه )


    عاوز اقول حاجه مهمه جدااااااا ؛


    احنا قبل ما نعمل القيد بنفكر كويس اوى تاثيره ايه على الحسابات الختاميه ( قائمه وميزانيه ) وهيكون شكلهم عامل ازاى ؟؟


    علشان كده فى المثال ده احنا لو معملناش قيد التسويه يبقى حرام لاننا خصمنا من الربح 15 الف للايجار وهما اصلا لا يخصوها يبقى لازم نرجهم تانى ونحملهم على السنين الجايه علشان كده عملنا التسويه وعلشان برضو نضمن حقنا عند الراجل المؤجر اننا ندينه ب 12500 ج وبندخلها الميزانيه( اصول متداوله )ونخصم منها الايجار السنوات القادمه زى ما بينا فوق , وكل سنه بيقل المصروف المقثدم حتى = صفر .


    ازاى؟؟ هنقسمها فترات ونشوف تاثيرها على ح / المصروف المقدم
    الملفات المرفقة


موضوعات ذات علاقة
تطبيقات على التسويات الجردية
تطبيقات مختلفة على التسويات الجردية http://www.youtube.com/watch?feature=player_detailpage&v=wZa2LJJxiqo (مشاركات: 0)

ما هى التسويات الجردية ؟
مقدمة عن التسويات الجردية http://www.youtube.com/watch?feature=player_detailpage&v=MKSKgVbxO_I (مشاركات: 0)

الجرد و التسويات الجردية
المحاسبة المالية فى المشروعات الفردية الجرد و التسويات الجردية إعداد الدكتور / عبد العزيز علوان العزعزى بحث كامل على ملف بصيغة pdf... (مشاركات: 0)

ما هى التسويات الجردية ؟
التسويات الجردية بعد الإنتهاء من إعداد ميزان المراجعة وكتمهيد لتحديد نتيجة أعمال المنشأة من ربح أو خسارة عن الفترة المالبة المنتهية ، يبدأ... (مشاركات: 0)

التسويات الجردية
التسويات الجردية Adjustments ينص مبدأ الاستحقاق على الأخذ في الاعتبار جميع الإيرادات التي تخص السنة سواء حصلت أو لم تحصل كما أن جميع المصروفات... (مشاركات: 0)

أحدث المرفقات
الكلمات الدلالية