CIB الخطوات العامة التى ستقوم بها عند رغبتك فى التقديم للعمل ببنك


فى البداية نعرف ازاى هنقدم


قدامك حل من اتنين اما


1-تبعت السى فى بتاعك على hr@cibeg.com والخطوة دى مش قوية اوى لان دايما الميل بيبعت فيلر بس ممكن نبعت من الGMAIL
2-او انك تدخل على الويب بتاعة البنك وتملى الابليكيشن بس فى البداية بتحمل برنامج سيلفر لايت وبعدها تختار الادارة الى انت حابب تشتغل فيها وتملى الابليكيشن ده https://cibpd.cibeg.com/HRrec/ بعد ما بتملى الابليكيشن بتاعك وتعمل submit بيظهرلك رقم سجل الرقم ده معاك ولا ممكن يطلبوة منك فى الامتحان لو اسمك مش موجود فى كشف الاسماء عموما الرقم ده هو الى بيتفتحلك بيه الامتحان


تعالوا نعرف بقى ايه الى بيحصل يومها
المرحلة الاولى
حاول تروح قبل ميعادك بشوية كده وانت هتدخل بدرى عادى واعمل حسابك ان الموضوع هيطول 3 ساعات مثلا
اول حاجة بتدخل تملى ابليكيشن على الكمبيوتر وده مدته 45 دقيقة حاول تخلص بدرى ومتسيبش حاجه وهى بياناتك الى انت سجلتها على الويب قبل كده بس بتوسع اكتر
دراساتك وخبراتك ومهاراتك وفى النهاية خالص بيطلب منك 3 اشخاص reference ليك المهم انت لما بتخلص بيطلب منك تعمل accept ويبقى انت كده خلصت بياناتك دى لما هتدوس accept يبقى انت كده خلصت اول مرحلة




وندخل ع المرحلة التانية
لما بتخلص الابليكيشن بيدخلك على صفحة الامتحان وده برضة 45 دقيقة وهما 25 سؤال الامتحان سهل بس محتاج تركيز شوية هو عبارة عن مصطلحات و IQ
مثلا
- احمد بيحب الجيتار ومش بيحب العود ومحمد بيحب العود وبيحب الكمان ومحمود بيحب العود ومش بيحب الناى مثلا مين اكتر واحد شبه محمد الى هو محمود
- عمرو اشترى 9 كانز وبيشتال 2 بس كل مرة محتاج يوصلهم على كام مرة تبقى 5
- متواليات عددية زى مثلا 2 5 7 11
- شوية مواقف مثلا لو جالك عميل بيتكلم كتير فى امور شخصية والدنيا زحمة عندك هتعمل اية
- عميل اعترض انك بتطلب البطاقة هتحاول توضحلة ان دى عشان سرية حساباته
- لو زمايلك عندهم شغل كتير وانت خلصت المفروض انك هتساعدهم
- لو اتكلمت مع عميل فى اى منتج وهو مش مقتنع هتحاول تشوف الجانب الى هو محتاجة من المنتج ده وتتكلم عنه
- وعندك شوية اسئلة مصطلحات زى ECONOMIC
المهم خلص الامتحان فى الوقت المطلوب ومتسيبش حاجه لو الوقت خلص وانت مكملتش المفروض انك بتستنى 6 شهور


المرحلة التالتة
لو ربنا كرمك وعديت الامتحان ده هتدخل تعمل انترفيو مع 3 اشخاص منهم واحد هيسالك على طول والباقين كلامهم قليل جداا وتقريبا كانو بيلعبو فى الموبايل وبيتكلمو مع بعض بس متضايقش دا اسلوب عشان يشوف رد فعلك
المهم فى البداية هيقولك عرف نفسك بالانجلش طبعا وتتكلم عن نفسك وبعد كده الحوار هتلاقية اتقلب عربى لوحده
المهم هيسالك تانى تعرف ايه عن التيللر تعمل ايه لو فرقت وعندك فرق وممكن مثلا تعرف ايه عن البنك وممكن موقف انت مريت بيه صعب وموقف ايجابى وهكذا
اهم حاجه انك تكون واثق فى نفسك ومتتهزش
فى النهاية هيقولك شكرا وهنرد عليك خلال اسبوع سواء رفض ع الميل او نتصل بيك لو انت اتقبلت



منقول للأمانة