الاول هنتكلم على رقم 1
1- oprtations department:
بتكون من قسمين هما cash & operations
cash:


بيقى مكون من head of cash و teller
head of cash


هو الاى بيبدا يوزع عهدت teller فى اول اليوم كل teller بيبقى ليه عهدة (العهدة دى المبالغ الاى منفعتش تتخل الخزينة بواكى )بيبقى ليها cash box بيعين فيها teller عهدتوا وبيخدها تانى يوم بيشتغل بيها والcash box دى بيتعان جوة الخزينة بيبدا head of cash الصبح بيضيف العهد دى للتيلرات على السيستم .
-بيقوم كمان head of cash باضافة المبالغ من الخزينة الرئيسية للتيلر لما يكون عنده سحبه مبلغ اكبر من عهدت التيلر بيبدا يضفلوا المبلغ علشان يقدر التيلر يمشى السحبه دى والعكس صحيح بيقوم head of cash بسحب المبالغ الزيادة عن لميت التيلر الى الخزينة الرئيسية بمعنى كل تيلر بيبقى ليه ليمت معين يعنى لو افترضنا تيلر الميت بتاعوا 30000.00 والتيلر كان شغال ايداعات واصبح عندوا مثلا 500000.00 المفروض head of cash يسحب المبلغ الزيادة عن عهدت التيلر ويضفهم للخزينة الرئيسية
-بيقوم بردوا head of cash بمراجعت القيود الاى بينفذها التيلر وبيبدا يراجع الشيكات الاى بمبالغ اكبر من الميت بتاع التيلر وبيدى عليها توقيع مطابق وبيرجعها كويس قبل الصرف بحيث لو فيه حاجة مش مظبوطة عدت على التيلر ياخد هو بالوا منها
-فى اخر اليوم بيبدا head of cash بتقفيل الخزينة وبيبقى عندوا حاجة من الاتنين يا اما يقفل فى حدود الميت بتاع الخزينة بمعنى ان كل خزينة بيبقى ليها لميت مثلا خزينة الميت بتعاها 5مليون وhead of cash هيقفل على 3 مليون ساعتها بيقفل عادى دون اى مشكله بيقوم بسحب البواكى من التيلرات واضافتها فى الخزينة الرئيسية وبيسجلها فى الدفتر الخاص بالخزينة وبعدين يبدا يضيف عهدت التيلرات على اجمالى البواكى الاى فى الخزينة وبيطابق الرصيد الاى بيطلع فى الدفتر بالسيستم لو زى بعض يبقى ظابط ومعندوش مشكلهة -الحالة التانية وهى ان اقفل الخزينة هيعدى الميت بتاع الخزينة يعنى كان يوم مثلا فى زحمت ايداعات كتير وhead of cash لقى انه هيعدى الميت بتاع الخزينة فى الحالة دى بيبقى فيه شركة نقل اموال بتقوم بنقل الاموال الزيادة عن لميت الخزينة ل cash center
teller:




مهاموا بيقوم بعمليات السحب والايداع وتغيير العملة
- السحب مثلا بشيك بيبدا يبص على الشيك ويتاكد انه سليم ومفهوش مشكله بيبدا يطابق توقيع الساحب لو مطابق والرصيد الساحب يسمح بيسحب الشيك عادى من غير اى مشكلة لو رصيد مش مغطى مبلغ الشيك او التوقيع مش مطابق بيبدا يبلغ head of cash ويبدا هو يكلم فرع الساحب ويعزز التوقيع ويعزز مع الفرع ان فيه عميل حسابه مش مغطى ومتقدم عليه شيك يبدا الفرع التانى يكلم العميل او ممكن يغطى حساب الشيك من حساب تانى لدى الحساب ( عميل مثلا عندوا حساب جارى وتوفير الشيك على الجارى والعميل سايب تعلميات للفرع ان لو اتقدم شيك على الجارى والحساب مش مغطى ياخد من التوفير )
-الايداعات بيبدا يتاكد التيلر ان الفلوس مظبوطة عد وفرز وبعدين يبدا يمشى على السيستم عادى من غير اى مشاكل
- السحب من حساب بتاكد التيلر ان الشخص الاى واقف ادموا دى انه صاحب الحساب عن طريق انه بيطلب منه الاطلاع على البطاقة الشخصية .
-تغيير العمله بيبدا التيلر بفرز ويعد العمله والتاكد من انها سليمه ويبدا يغير على السعر المعلن للبنك ودى بيبقى موجود على ستستم التيلر


operations:


قسم من اهم اقسام البنك وبيسموا مطبخ البنك جزء من شغل القسم دى بيبقى مع العملاء وجزء من شغله بيبقى مع باقى ادارات البنك واغلبيتها مع ادراة الائتمان


-جزء الاول وهو جزء العملاء : استلام شيكات داخلية او خارجية والعمل على تحصيلها
داخلية يعنى مسحوبه على نفس البنك بتنقسم ل اجل واطلاع : والاى هى تاريخ استحقاقها لسه مجاش والاطلاع الاى هى تاريخ استحقاقها جه نفس القصه على الشيكات الخارجية ودى بتتحصل عن طريق المقاصة يعنى بيبقى دور الموظف انه بيستلمها من العميل ويسفرها اخر اليوم بالبريد الى ادراة المقاصة
-التحويلات الداخلية من حساب لحساب بتحول مثلا من حساب أ لحساب ب ودى اهم حاجة انك تتاكد ان حساب أ فيه مبلغ التحويل وتوقيع أ مطابق وان رقم حساب ب مطابق للاسم الاى قالك عليه العميل أ
-التحويلات المحلية عن طريق السوفت : مثلا انا حسابي فى بنك السي اي بي وعاوز احول مبلغ باى عمله لحساب شريكى فى بنك مصر البيانات الاى بتبقى مطلوبه هى اسم المستفيد الاى هو فى بنك مصر ورقم حسابوا واسم الفرع وبردوا بتاكد ان فى حساب العميل الاى عاوز يحول ان حسابوا مغطى التحويل ومصــــاريف التحويل .فى اغلب البنوك التحويلات الاى بالسوفت بتبقى عن طريق المركز الرئيسي يعنى مهمتك انك بتملى الابلكيشن مع العميل وتتاكد ان التوقيع مطابق وحساب الراجل فيه المبلغ بالمصاريف وتعمل hold على المبلغ علشان الراجل ممكن ينسى ويطلع يسحب فالتحويل يقف وبتبعت التحويل للمركز الرئيسي عن طريق الميل او الفاكس حسب كل بنك
-نفس القصة فى التحويلات الخارجية بيبقى مطلوب منك انك تاخد من عميلك كل البيانات واضحة والبيانات دى بتبقى عبارة عن اسم المستفيد رقم حساب المستفيد عنوان المستفيد واسم الفرع و السوفت كود بتاع بنك المستفيد ونفس الاجراءات فى التحويل المحلى بالسوفت
-اصدار الشيكات المصرفية والمعتمدة : الشيك المصرفى او المعتمد بيجيلك عميلك عاوز يوجه شيك لجهة حكومية او لاى حد عاوز يتاكد ان الشيك دى مظبوط بمعنى ان المستفيد لما يروح يصرفوا هيلقى المبلغ موجود والتوقيع مفهوش مشكلة الفكرة كلها انك بتاخد من حساب العميل وبتودى حساب وسيط بيبقى حساب البنك وبتصدر للعميل شيك وبتكتب فى المستفيد الجهة الاى عميلك عاوز يوجه ليها الشيك
*الجزء التانى من شغل operations الخاص ب credit بيبقى عبارة عن شغل تحويل من حساب لحساب وتحويلات خارجية وبتبقى نفس القصة الاى شرحتها قبل كدى
طبعا cash & operations بيبقى ليهم مدير واحد بيبقى مسئول على القسمين دول


2-customer service department:
customer service
شغلة عبارة عن رد عن استفسارات العملاء الخاصة بحركات الحساب ولو عميل عنده مشكله فى الكارت او فى خدمة معينه يبدا يحلها ومهاموا انه بردوا يقدم منتجات البنك للعملاء الاى بيقبلها وانه يقدر يبيع منتجات البنك دى وبيبقى ليه تارجت بيقى فى الاغلب مقسمين شغلهم يعنى مثلا موظف يبقى مسئول بتسليم الكروت وموظف بتسليم الرقم السرى وموظف خاص بالقروض واكيد كلهم بيبقوا عرفين شغل بعض


account officer
شغله زى customer service بالظبط بس بيزيد عليه نقطة من الحاجات الاى بتبقى مطلوبه منه انه يجيب شركات تقوم بتحويل مرتبات العمال الاى فى الشركة دى للبنك بيخرج يقابل عملاء وبيروح يعرض خدمات البنك لشركة مثلا ويبدا بيقنعهم بالخدمات الاى هيقدمها البنك للموظفين الشركة دى سوء كانت قروض او تامين او تمويل عقارى او تسهيلات للشركة نفسها طبعا بيبقى معاه حد من credit بحيث لو الشركة حبت تستفسر عن التسهيلات للشركة


3-credit department
sme's officer
وهو جزء من ادارة الائتمان وهو المقصود منها بتمويل المشروعات الصغير
الفكرة كلها ان الموظف دى مطلوب منه انه يجيب شركات صغيرة النشاط وراس المال وتكون بتشتغل وشغلها كويس ويبدا يدرس القوائم المالية الخاصة بالشركة دى علشان يشوف هل الشركة دى لو البنك ادلها تسهيل الائتمانى هتقدر تسدد وله ممكن يحصلها تعثر فى السداد وتبقى مشكله للبنك وللعميل فالموضوع بيبقى عاوز واحد فاهم وليه نظرة للعميل دى ينفع البنك يديلوا تسهيلات وله لاء والدائرة الائتمانية للعميل منتظمة وله لاء


-credit officer
شغلوا جانب منه للتسويق بمعنى بيبقى مطلوب منه انه يجيب شركات حجم تعاملتها كبير وكويس وتكون خطاها ثابته مش بيحصل ليها مشاكل بيبدا يحاول انه يقنع الشركة دى انها تاخد تسهيل على حجم تعاملاتها من البنك دى طبعا بعد دراسة القوائم المالية للشركة لكذا سنه فاتت ويبدا يشوف الشركة دى ممكن تاخد تسهيل فى حدود اد ايه ويبدا بكتابة مزكرة ائتمانية عن الشركة دى والمزكرة دى بتبدا تتعرض على مدير الفرع وافق بيها بتسافر الهيد اوفس بيتاخد عليها موفقة
جزء تانى من شغل credit officer ادارة ملفات الشركات دى بيتابع حركتها ويبدا يشوف مثلا ايداع اتعمل فى الحساب الجارى للشركة دى ينزلوا على حساب التسهيل بيحيس ينزل المديونية من على العميل وبيكون key person للشركات الاى ماسك الملفات بتاعتها
-طبعا لما بيبقى حساب الائتمان متقدم عليه شيك بياخد موافقه من ادراة الائتمان لانه هو بيبقى على علم اكتر بحسابات العميل والحساب يجوز صرف الشيك وله فيه تجاوز فى حساب العميل


customer service corporation
دى بيبقى شغله هندلت شغل الشركات بمعنى ان مثلا شركة عاوزة تقوم بعملية تدبير عمله يبدا هو يشوف dealing room ويظبط سعر الشراء ويبدا يجهز الابلكيش التحويلات الخارجية الخاصة بالشركات والوظيفه دى مش بتبقى موجودة فى بنوك كتير اغلبيتها بتبقى فى الفروع mixed ( الفروع الاى بتبقى شغاله افراد وشركات )




4-trade finance department


trade finance officer
ودى قسم التجارة الخارجية وبيبقى شغله خاص بالاعتمادات المستندية وخطابات الضمان ونماذج التحصيل
دى فى اغلب البنوك بيبقى موجود فى الهيد اوفيس وبنوك قليله الاى بيبقى فيها القسم دى فى الفروع
الاعتمادات المستندية :تعهد كتابى صادر من البنك فاتح الاعتماد بناء على طلب العميل (المستورد) وبيتعهد فيه البنك بدفع مبلغ الى المصدر (البائع ) عند مطابقة الشروط المتفق عليها والواردة فى الاعتماد دون الخروج عن قوانين الدولة
يعنى بيجيلك عميل يقولك انا عاوز اعمل اعتماد مع تاجر فى الصين يبقى عميلك المستورد وتاجر الصين البائع يبدا بنكك يخاطب بنك البائع ويتفقوا على شروط بينك وبين البائع الشروط دى بتيقى فيها طرق الدفع وتسليم بوالص الشحن الاى المستورد هيطلع بيها البضاعة من الجمرك يعنى المستورد بيتفق انه هيدفع نص تمن البضاعة قبل الشحن والنص التانى لما يستلم البنك بوالص الشحن والشروط دى بيقوم بتنفيذها البنك دون الرجوع للعميل يعنى البنك لما بيستلم البوالص بيدا يحول للبائع باقى المبلغ دون الرجوع للمستورد الاى هو عميل بنكك
خطابات الضمان :تعهد كتابي يتعهد فيه البنك بكفالة احد عملائة (طالب الاصدار) فى حدود مبلغ معين اتجاة طرف تانى ووذلك ضمان لوفاء هذا العميل المكفول بالتزامة تجاة الطرف التانى خلال مدة
نفس الفكرة من الاعتمادات بس دى بيبقى للاستخدام داخل الدوله عميل مثلا عاوز يشترى ارض وبيخش مزاد على شراء الارض دى ادارة المزاد بتبقى عوزة ضمان لو المزاد رسى على الشخص دى انه يدفع قيمت الارض فبيروح الراجل الاى عاوز يشترى الارض للبنك بيقلوا انا عاوز افتح خطاب ضمان مقابل كذا
والادارة دى بتبقى تابع لادارة الائتمان يعنى head of credit بيقى مسئول عن الادارة دى ...


المصدر : منتدى البنوك ديفيدى فور عرب .