باختصار الـ 3 شهادات دول هما احسن شهادات مهنية فى العالم فى مجال المحاسبة والمراجعة والأدارة المالية ولهم مميزات كثيرة جداً وبقت مطلوبة حاليا فى سوق العمل , والشركات الكبرى والبنوك الاجنبية بقت بتشترط للمتقدمين لشغل الوظائف ان يكون معاهم Cma او Cfa او Cpa وانتوا لو قريتوا فى اعلانات الوظائف حتلاقوا دا .. طبعا الفرق بين الشهادات دى وشهادة الماجستير والدكتوراة هو ان الشهادات دى شهادات مهنية اى خاصة بسوق العمل اما الماجستير والدكتوراة هى شهادات اكاديمية مرتبطة بالتدريس فى الجامعة ..




المهم حبدا دلوقتى واعرف لكوا كل شهادة والفرق بين الـ 3 شهادات ::


اولاً الـ Cma دى اختصار لـ Certified Management Accountant ::


ودى من احسن واقوى الشهادات فى العالم فى مجال المحاسبة الادارية , الـ Cma بتديك ايضا ميزة زمالة الجمعية الامريكية للمحاسبين IMA وبحصولك علي زمالة جمعية المحاسبين الأداريين الأمريكية تصبح محاسب أداري متخصص (محترف) معترف به دوليا ، او محاسبا للتكاليف محترف ايضا والـ Cma بتدى العديد من المميزات للحاصل عليها مثل فرص عمل متميزة واجور جيدة .




شهادة الـ Cma بعد التعديل الأخير فى ديسمبر 2009 اصبحت تتكون من 2 بارت او 2 جزئين ::




Part 1 – Financial Planning, Performance and Control


ودا بندرس فيه 5 مواد وهم :


Planning, Budgeting and Forecasting (30%)
Performance Management (25%)
Cost Management (25%)
Internal Controls (15%)
Professional Ethics (5%)




Part 2 – Financial Decision Making


ودا بندرس فيه 5 مواد وهم :


Financial Statement Analysis (25%)
Corporate Finance (25%)
Decision Analysis and Risk Management (25%)
Investment Decisions (20%)
Professional Ethics (5%)




والنسب اللى امام كل مادة هى نسبة المادة فى الامتحان النهائى


والمفروض بعد اى بارت يخلصه الدارس يروح يمتحن عليه فى الجامعة الامريكية فى القاهرة


الامتحان مكون من 100 اختيار و2 سؤالين essay ومدة الامتحان 4 ساعات ويعتبر الطالب ناجحاً إذا استطاع الاجابة على 72 % فأكثر من الامتحان
ولمزيد من المعلومات عن النظام الجديد للـ Cma اضغط هنا


امتحان الـ Cma بيختلف تماما عن امتحان الكلية لان امتحان الـ Cma بيعتمد على الفهم والاسئلة اغلبها بيبقى واضع الامتحان عايز يشوف الدارس دا فاهم ولا حافظ لان عشان يبقى معاك Cma انت بقيت Certified فلازم تبقى فاهم كويس مش مجرد حافظ قوانين وخلاص .


مدة الدراسة الـ Cma حوالى سنتين ونصف




ودى صورة الشهادة اللى بيحصل عليها الدارس بعد نجاحه فى أمتحان الـ Cma ::




هذه الصورة تم اعادة تحجيمها . الحجم الافتراضي لها هو 673x530.








..




ثانياً شهادة الـ Cpa ودا اختصار لـ Certified Public Accountant ::


ودى شهادة مرتبطة بالـ Audit واغلب المواد اللى بيتم تدريسها فيها متعلقة بالـ Audit وهى اقوى شهادة عالمية فى مجال المراجعة وبتدى ميزة زمالة المجمع الامريكى للمحاسبين القانونين AICPA .


مواد الـ Cpa اغلبها ليها علاقة بالـ Audit حيث يدرس فيها :


Auditing & Attestation


Regulation


Business Environment & Concepts


Financial Accounting & Reporting




وشهادة الـ Cpa بتتكون من 4 بارتات


بارت 1 بيتم فيه دراسة :




GAAP for Business Enterpriser
Governmental Accounting Non profit




بارت 2 بيتم فيه دراسة :


Business Law Professional
Legal Responsibilities Fedral Taxation




بارت 3 بيتم فيه دراسة :


Finance
Economic
IT
Costing




بارت 4 بيتم فيه دراسة :


Auditing procedures
Other Standard related to attestation engagement
GAAS




العيب الوحيد فى الشهادة دى من وجهة نظرى هو الامتحان بتاعها لان امتحان الـ Cpa لازم تروح تمتحنه فى امريكا نفسها وطبعا للأسف فيه ناس بعد مادرسوا مواد الـ Cpa هنا فى مصر رفضت السفارة الامريكية اعطائهم تاشيرة للسفر لامريكا لخوض الامتحان


.
بس غير كدا هى من الشهادات القوية جداً فى مجال المراجعة ومدة الدراسة حوالى سنتين .






..




ثالثاً شهادة الـ Cfa وهى اختصار لـ Chartered Financial Analyst ::


ودى شهادة مرتبطة بالتحليل المالى او الـ Finance وشهادة الـ Cfa بتديك ميزة عضوية معهد المحللين الماليين بالولايات المتحدة الأمريكية وهى شهادة مهمة جدا فى مجال التمويل المالى والاستثمار والبورصة وبتدى مميزات كتير فى المجال دا .


مواد الـ Cfa متعلقة بالتحليل المالى والاستثمار والاحصاء ودراسة الـ Cfa صعبة شوية وعايزة مجهود .


الـ Cfa عبارة عن 3 مستويات :


المستوى الاول : بيدرس فيه


ادارة المحافظ المالية Portfolio Management واستثمار Investment وطرق احصائية Quantitative Methods واقتصاد Economic .


المستوى الثانى : تحليل الشركات والمصانع و تقييم الاصول


المستوى الثالث : ادارة محافظ ماليية وتقييم السلوك المهنى بالاضافة الى تطبيق المفاهيم التى تم دراستها فى المستوى الاول والثانى .


بعد الانتهاء من دراسة كل مستوى يذهب الدارس للامتحان عليه فى الجامعة الامريكية فى القاهرة ويتكون الامتحان من 240 اختيار ومدة الامتحان 6 ساعات .






- اهم الشروط للتقدم للامتحان فى الـ 3 شهادات ان يكون الدارس حاصل على البكالوريوس او فى السنة النهائية بالكلية .


وزى ماقولت الـ 3 شهادات مهمين جدا فى سوق العمل والحصول عليهم بيدى مميزات كتير جدا .